Sözleri
Kadem basdın gönül tahtına sultânım safâ geldin
Dil-i pür-renc ü tâb-ı derde dermânım safâ geldin
Kapundur matla-i a’lâ tapundur maksad-ı aksâ
Senindir rütbe-i ulyâ benim şâhım safâ geldin
Gel ey dilberlerin şâhı melahat burcunun mâhı
Gedâ’nın hâlini gâhî sorup şâhım safâ geldin
Gel ey sultân-ı âlî-şân ki sensin Hüsrev-i devrân
Sana hep bende-i fermân buyur şâhım safâ geldin
Gedai geldi ol câne can olsun yoluna kurban
Seâdet tahtına sultân buyur şâhım safâ geldin