Dilde Hakk'dan Gayrı

Dilde Hakk’dan gayrı güftâr eylemez dervişler Cânda aşkdan gayrı bir kâr eylemez dervişler Lâ-mekândan geldiler evvel yine andan âhir Konmağa bir mülke ikrâr eylemez dervişler Dünye vü ukbâ bulmakdır murâd ancak hemân Bunda bundan özge bâzâr eylemez dervişler Zikr olunsa dost kanda gözlerden akar acı yaş Sevmeğe Allah’ını âr eylemez dervişler Mürşid-i kâmil yüzünden seyr edip dildârını Hak bilir kim meyl-i ağyâr eylemez dervîşler Yâr elinden yaralansa yandığından şâd olur Gam çekip ol derde tîmâr eylemez dervîşler Kanda varsa aşka uyar kalbi arşu’llâh olur Hırsa verip gönlünü dar eylemez dervîşler Döşeği sabrın tevekkül yasdığına söykenip Hakk’dan âher kimseden çâr ‘ eylemez dervîşler Gelse kaçmaz kaçsa kovmaz cengi yok dünyâ ile Nahnü kasemnâ dan ikrâr eylemez dervîşler Mâsivâ rengin koma dilden sakın Ümmî Sinan Zât-ı Hakk’dan gayrı efkâr eylemez dervîşler