Geldim Bu İle

Ben ezelden dost yüzünü Gördüm de geldim bu il’e Âdem’le cennet zevklerin Sürdüm de geldim bu il’e Münâfıklar gelmez yola Kâfirlere mihnet gele Nûh Kavmini cümle sele Verdim de geldim bu il’e Kalmazım cân ile boşa Dostdan dönmek yokdur hâşâ İbrâhim ile âteşe Girdim de geldim bu il’e Mûsâ ile çıkdım Tûr’a Gözlerim Hak yüzün göre Teceli olunan nûra Erdim de geldim bu il’e Âşık ol’dur vere serin Göre yârın Hak dîdârın Dâvûd’la Câlût askerin Kırdım da geldim bu il’e Meşhur olmuşdur ellerde Söylenen cümle dillerde Süleyman tahtını bile Kurdum da geldim bu il’e Eyyûb ile düşdüm derde Nice yıllar âh ü zâre Hep gövdemin etin kurda Verdim de geldim bu il’e Zekeriyyâ ile ağaca Girdim gizlendim ey hâce Testere ile biçince Durdum da geldim bu il’e Kimsenin bakman yüzüne Nazar eyle Hak sözüne İsâ ile gök yüzüne Vardım da geldim bu il’e Yâkûb’la başladım zâre Gözümde ak oldu kare Yüreğimi yüzbin pâre Yardım da geldim bu il’e Âhir budur benim sözüm Muhammed’dir iki gözüm Ayağı tozuna yüzüm Sürdüm de geldim bu il’e Tanrı Arslanı Velî’yle Bir kez yetişdim eliyle Hayber Kal’asın Alî’yle Erdim de geldim bu il’e Seyyid Seyfullâh adını Komuşdur koyan bu dîni Yerin göğün bünyâdını Urdum da geldim bu il’e