Kararun Yok

Karâruñ yok bu dünyâdan gitmek mi istersin göñül Bunuñ fenâsını gördüñ gitmek mi istersin göñül Çekdüñ mi elüñ dünyâdan geçdüñ mi yañlış sevdâdan kurtarup başuñ gavgâdan gitmek mi istersin göñül Duyduñ mı dünyâ râyhasın bildüñ mi bunuñ fitnesin Arduña atduñ sevdâsın gitmek mi istersin göñül Kanı benimle dostlıguñ bunca zamân yoldaşlıguñ Terk mi idersin dostlıguñ gitmek mi istersin göñül Yâd u bilişden el yuduñ sen senligüñ terkin urduñ Ol makşûk derdine düşdüñ gitmek mi istersin göñül Dünyâya nazar eyledüñ öñin soñın fikr eyledüñ Yapışacak taş bulmaduñ gitmek mi istersin göñül Eglence bulmaduñ bunda dosta mı gidersin dosta Sâkin olmazsın bedende gitmek mi istersin göñül Vefâ-dâr yoldaş bulmaduñ hâlüñe hâldaş bulmaduñ Dostdan gayrı eş bulmaduñ gitmek mi istersin göñül Vefâlı makşûk mı bulduñ anuñ sevdâsına düşdüñ Kamu sevdâlardan geçdüñ gitmek mi istersin göñül Gördüñ mi makşûk yüzini böyle unutduñ özüñi Çevirdüñ halkdan yüzüñi gitmek mi istersin göñül Haber-dâr mı olduñ sırdan kıgrılmak mı oldı yârdan Abdurrahîm-i Tirsîden gitmek mi istersin göñül