Sözleri
Mahbûb-i Hudâ zât-ı şeref-bâr-ı Muhammed
Makbûl-i ilâhî dürür etvâr-ı Muhammed
Hep Âdem ü âlem anın içün yaradıldı
Pes illet-i gâiyyedir ızhâr-ı Muhammed
Âlemlere rahmet olıcak zât-ı şerîfi
Bu ümmete hod mahz-ı kerem-kâr-ı Muhammed
Ol göz ki o şemsü’ş-şerefi görmeye efsûs
Parlatmış iken âlemi envâr-ı Muhammed
Bir bende-i makbûl-i Hudâ’sın sana müjde
Girse ele ser-rişte-i âsâr-ı Muhammed
A’mâlini ahvâlini düstûr-i amel kıl
Tâ keşf ola Nazmî sana esrâr-ı Muhammed