Sözleri
Ey risâlet bûstânında hırâmân servi-kad
V’ey nübüvvet ravzasında yâsemen-bû lâle-had
Adı Ahmed bî-‘adeddir yâ nebiyallah velî
Sen bir Ahmed’sin ki senden görünür nûr-ı Ehad
Sâd ‘aynın mîm ağzın dâl zülfün göreli
Yâ nebî gitmez dilimden bir nefes zikr-i Samed
Enbiyânın her birinin var nihâyet ‘ilmine
Hakk sana virdiği ‘ilm ü hikmete yoh hadd ü ‘add
Cism-i bî-cân kimidir cânâ cihân sensiz hamu
Cânların sen cânısın cânâ sana cândır cesed
Konmadı âyîne-i bî-rengine gerd ü gubâr
Sîne-i bî-kînine gelmeyüben hıkd ü hased
Rûşenî bî-çâre zulmetde kalırdı yâ Nebî
Ana mîm ağzınla iki dâlin olmasa meded