Sözleri
Yok şu mihnethâne-i âlemde bir hem-dem bana
Derde bak yâr-i kadîm ancak bu derd ü gam bana
Kays-ı deşt-i hasretim dîvâne-i hâmûn-ı aşk
Halka halka dûd-ı dil zincîr-i hâm-der-hâm bana
Bâg-ı dehrin goncasın hem jâlesin almam dile
Bâgbânım dâg-ı dil gül eşk-i ter şebnem bana
Tîg-i kahrı dehr-i dûnun zahmnâkidir gönül
Sensin ey eşk-i nemek-rîzim yine merhem bana
Nev-civân-ı tab‘ıma olsa aceb mi rû-nümâ
Cümle ebkâr-ı me‘âni Mazharâ mahrem bana