Sözleri
Ol menem kim vâkıf-ı esrâr-ı ilm-i Âdemem
Kâşif-i genc-i hakîkat hem hayât-ı âlemem
Bende mahfî oldu gaybu’l-gaybın esrârı hemîn
Bendedir sırr-ı emânet ana kenz-i mübhemem
Ben cemâl-i Hakk’ı cümle şeyde zâhir görmüşem
Bu merâyâya anınçün bakdığımca hurremem
Her sözüm miftâh-ı kufl-ı “küntü kenz” olmuş durur
Hem dem-i İsâ ile her bir nefesde mahremem
Cümle mevcûdâtı verdim ben vücûd-ı vâhide
Zât u esmâ vü sıfât ile ki hâlâ yek-demem
Yerde gökde her ne kim var bağlıdır başı bana
Âşikâre vü nihâne ben tılısm-ı a‘zamam
Ben o Mısrî’yem vücûdum mısrına şâh olmuşam
Hâdisem gerçi velî ma‘nâda sırr-ı akdemem
Mustafa Tatcı — diğer ilahileri
- Gel Berü Aşk Oduna Yanıcı Mustafa Tatcı 3:37
- İnsan Olmazsa Kişi Mustafa Tatcı 2:03
- Ah Eylediğim Servi Hıramanın İçindir Mustafa Tatcı 3:19
- Arayı Arayı Bulsam İzini Mustafa Tatcı 3:24
- Gey Melamet Hırkasın Mustafa Tatcı 1:40
- Bulmuşam Aşkını Yarin Mustafa Tatcı 4:03
- Miskinlikden Buldular Mustafa Tatcı 3:27
- Yok Şu Mihnethanei Alemde Mustafa Tatcı 3:52