Padişahım Derde Düştüm

Pâdişâhım derde düşdüm bana bir dermân meded Derde dermân ıssı mürüvvet sâhibi sultân meded Çâresizim tâkatım kalmadı kaldım illâ zâr Hazretinden uma geldim lutf ile ihsân meded İhtiyâc oldum bugün bir katre vaslın meyine Anca teşne-dillere mey irgiren ummân meded Hasret-i firkat ipiyle bend-i muhkem edip Dürlü mihnet kılmak ister bana bu zindân meded Sakla bu gönül sarâyın pâdişâhım kıl nazar Kalmasın nefsim çerisi hâk ile yeksân meded Bir safânın önüne gördüm komuşlar bin cefâ Meyl eder nefsim yenilmez senden ister cân meded Dâimâ bizden hatâ senden atâdır işlenen Aşk u fazlından müyesser kıl bize bürhân meded Bu fenâ evden göçüp Hazret’ine varmaklığı Ol Habîbin hürmetiyçün kıl bize ihsân meded Cürmüne Ümmî Sinan’ın zerrece inkârı yok Dâimâ eder mürüvvet sâhib-i gufrân meded