Sen Serveri Kevneyni Müfehhamsın

Sen server-i kevneyn-i müfehhamsın efendim Mansûr-u muzaffer şeh-i âlemsin efendim Sen pâdişâh-ı a’zâm-ı ekremsin efendim Sultân-ı kerem şâh-ı mükerremsin efendim Sensin sebeb-i mekrimet-i Âdem u Havvâ Sensin sebeb-i nârı cehim cennet-i tûba Sensin sebeb-i arz u semâ arş-u mu’allâ Sultanı kerem şah-ı müsellemsin efendim Ey kân-ı merahim yemm u eltâf u inâyet Ğark olsa n’ola sende şâhâ dûzah u cennet Sen rahmet-i âlemsin eya bahr-i şefâat Sultan-ı kerem şâh-i mükerremsin efendim Sen Ahmed-i Mahmûd-u Muhammed’sin ezelden Mahbûb-u Hüdâ şâhid-i sermedsin ezelden Sen şâh-ı ser-afrâz-ı müeyyedsin ezelden Sultân-ı kerem şâh-ı müsellemsin efendim Uşşâkı gâm-ı aşkın ile muhteşem eyle Bî-çâreleri garka-i bahr-i ni’âm eyle Müştâk-ı günahkâra nigâh-ı kerem eyle Sultân-ı kerem şâh-ı mükerremsin efendim