Sözleri
N’ola tâcım gibi başımda götürsem dâim
Kadem-i nakşını ol Hazret-i Şâh-ı Rusûl’ün
Gül-i gülzâr-ı nübüvvet o kadem sâhibidir
Ahmedâ durma yüzün sür kademine o gülün
****
Bâşuma günden güne derd ü belâ eksük degil
Gâhî aşk-ı yâr ile cevr ü cefâ eksük degül
Aldı aklum âkibet Mecnûn’a döndürdi beni
Yârimün yanında a’dâ dâimâ eksük degül
Vech-i hûbâna eger baksam da tesbîh eylerüm
Dilde hiç bir vech ile zikr-i Hudâ eksük degül
Nev-bahâr oldı gönüller hep yirinden oynadı
Bağda sıyt u sadâ zevk u safâ eksük degül
Bahtiyâ Ferhâd-veş tağlar içinde yüri sen
Bir saç-ı sünbül leb-i şîrin sana eksük degül
****
Çün sana gönlüm mübtelâ düşdü
Derd ü gam bana âşinâ düşdü
Zühd ü takvâya yâr idim evvel
Aşk ile benden hep cüdâ düşdü