Sözleri
Arz-ı hâl içün Sultâna geldim
Sailim lutfi ihsâna geldim
Derdi firâka dermân aradım
Ben ol tabîbe dermâna geldim
Can kulaği ile hüsnünü duyup
Şem-i cemâle pervâne geldim
Aşkına oldum anın giriftâr
Kalmadı aklım divâna geldim
Amâde olmuş çün hamri sâfî
Nûş eyleyüben mestâne geldim
Yağmaladı aşk zühdü takvâmı
İlmü amelden bî-gâne geldim
Hükmünü icrâ etti aşk bende
Yanmağa nâri sûzâne geldim
Mahvi fenâda buldum safaı
Yoklukla râhi merdâna geldim
Bildim ki varlık perdedir Hakk’a
Ref’ edüp anı cânâna geldim
Eyledi tevhid hoş beni irşâd
Bir katra iken ummâna geldim
Der ki Kuddûsî Elhamdülillah
Kaçtım sivâdan Yezdâna geldim