Sözleri
Bir både doldur sâkıyâ bî-hûş ede mestâneyi
Bir câm ile versün zıyâ tenvîr ede dilhâneyi
Ey sâkî ver meyhânede sermest olan meykeşlere
Kâse-i mey-i ahmeri serhoş ede peymâneyi
Sâkî cemâlin cîmini cân gözlerine göstere
Ab-ı hidâyetden içer âkıl ede dîvâneyi
Denn-i mey-i ma’nâya dal var bâde-i alâdan al
Kaldır basîret perdesin göster göze cânâneyi
Bülbülleri gül dalına kondur seherlerde bu şeb
Cennet ola cângâhımız ma’mûr ede vîrâneyi
Bülbül gülistân-ı dile nây ile ney vursun bile
Görülmemiş bir dem ola LUTFÎ göre cânâneyi