Sözleri
Bugün aşk ile ki nâlân olunmaz!
Yarın vasla erib handân olunmaz!
Temelluk eyleyûb yalvar Hüda’ya, Onun yanında hiç hırmân olunmaz!
Tefekkür eyle masnu’unu Hakkın, Ne var âlemde ki bürhân olunmaz!
Handân gâfil olma tarfet-ül ayn, Huzursuz bendelik bir an olunmaz!
Şeriatsız tarikat işi bitmez,
Hakikat sırrı hem bünyân olunmaz!
Hilafın işle âdet-i avamın,
Hevâya uyma kim iz’an olunmaz!
Tama’dan ictinâb edib ğani ol, Kanaat kenzi hiç tâlân olunmaz!
Elin aybını görme kendine bak, Suçunu bilene hızlân olunmaz!
Sana kemlik edene eyle ihsân,
Afv olmasa âlî şân olunmaz!
Ne derlerse desinler kıl tahammül, Sabırsızlıkla dervişân olunmaz! Demâdem tokluğu âdet edinme, Karnın aç olıcak tuğyân olunmaz!
Zamâne halkına keşf etme râzı,
Ki a’dâya silah ihsan olunmaz!
Yüzüne her güleni zan eyleme dost, Nifâk ehli ile yârân olunmaz!
Eder bir aybını gördükde ifşa,
Karin-i sû-i itminân olunmaz!
Bu halkdan uzlet et Hakkı bulasın,
Ki hıltat ile yol âsân olunmaz!
Alâyık fitnesinden kurtulana, Kıyâmetde hesab mizân olunmaz!
Mücahid ol, mücahid ol, mücahid, Cehdsiz nâil-i ferzân olunmaz!
Reva mı subha dek yatıp uyumak, Dünü gün hâb ile merdân olunmaz! Taleb kıl sende Kuddûsî bu aşkı,
Ki onsuz sahib-i irfan olunmaz!