Sözleri
Burc-i dilden atıcak mihr-i muhabbet şafakı
Görünür gün gibi cân gözlerine nûr tabakı
Dili dildârına bahş cânını cânâne fedâ
Eden elbette olur mîr-i zemân merd-i takî
Ru’yet-i cennet-i cân kevser-i firdevs değeri
Tıfl-ı dile okudur ilm-i ledünnî sebakı
Ey kerem-şân bu revîş nûr-i tecellâ-yı Hudâ
Ola bahşîş-i ezel bu gül-i kudret arakı
Mecme-i bahr-i mehâsin zîver-i vech-i kamer
Kütüb-i nûr-i cemâl fetvâsının müttefakı
Zîr-i zülfün o levendin alıcak bâd-i sabâ
Reşk eder müşg-i tâtâr anber-i sârâ refakı
Dilberin gülberidir kenz-i füyûzât-ı atâ
LUTFİYÂ âl-ı ruhi defter-i hikmet varakı