Sözleri
Deli seller dereleri târ u mâr
Eyledi taş ağaç feryâde geldi
Sahrâlar içinde kalmadı şikâr
Bu âfet-i devrân ziyâde geldi
Yıkdı vîrân etdi köşk ü serâyı
Karartdı hurşîd-i âlem-ârâyı
Âteşe bırakdı urdu yarayı
Leşker-i derd-i gam piyâde geldi
Çaldı çâr tarafa etdi perîşân
Mürüvvet etmedi bu âteş-feşân
Görmedim bir murâdına ulaşan
Bu dâr-ı belâya üftâde geldi
Devr-i felek urdu sûz ü güdâzı
Ciğergâhe etdi te’sîr-i râzı
Dinlemedi dilde nâz u niyâzı
Cevr ü cefâsını muʻtâde geldi
Merhamet yok gözlerimin kanına
Ateş düşsün bu gaddârın cânına
Bây u gedâ bırakmıyor yanına
Belâ-yı âsumân âmâde geldi
Perîşân eyledi devr-i kameri
Beline bağladı zulüm kemeri
Bin âdem öldürse etmez kederi
Gûya emîrinden irâde geldi
Analardan kuzuları ayırdı
Bu derd-i firkati câne duyurdu
LUTFÎ emr-i kader böyle buyurdu
Yanar âteş gibi sahrâda geldi