Sözleri
Derd-i derûnuma dermân arardım
Dediler ki derddir dermânın senin
Dergâh-ı dildâre kurbân arardım
Dediler ki cânın kurbândır senin
Âşıkların işi olur âşikâr
Kimde vardır ma’lûm olur müşg-bâr
Aristo Eflatun verdiler karar
Terk-i cândır elde fermânın senin
Zevrak-ı zevk bahr-i muhabbetdedir
Ravza-ı cân tîg-i şehadetdedir
Mihr-i irfân burc-i hidâyetdedir
Gönüldedir gül-i handânın senin
Zencîr-i aşk mecnûnları bağlamış
Sevdâ-yı aşk ciğerleri dağlamış
Rakîblerse kılıçları yağlamış
Alkan olur birgün gerdânın senin
Sanma LUTFÎ bu derd seni öldürür
Hak Kerîm’dir ağlayanı güldürür
Erham Allah düşmüşleri kaldırır
Birgün olur gelür Lokmân’ın senin