Sözleri
Derd-i derûnuma dermân arardım
Dediler ki derddir dermânın senin
Dergâh-ı dildâre kurbân arardım
Dediler ki cânın kurbândır senin
Bir meded gözlerdim bây u gedâdan
Dediler ki dinle emr-i nidâdan
İhsân olmayınca zât-ı Hudâ’dan
Bay gedâ edemez ihsânın senin
Sordum erenlerin dergâhı kanda
Dediler ki dergâh olur her yanda
Senin aradığın bir âlî-şânda
Var ise bulursun izʻânın senin
Çâr etrafıma eyledim nazar
Gördüm eşyâ olmuş dürr ile güher
Mahall-i merkezden verdiler haber
Dediler tevhîddir bürhânın senin
Kim okursa dilde ders-i men aref
Âlem-i ma’nâda bulur bin şeref
Bir gör tevhîd eder eşyâ her taref
LUTFÎ hüccetindir îmânın senin