Sözleri
Derd-i derûnuma enbâz olanın
Serv-i kāmetleri dâl oldu gitdi
Meydân-ı gamımda ser-bâz olanın
Billûr gerdenleri al oldu gitdi
Derdim deryâları emvâce saldı
Belâ-yı girdâbı âteşler aldı
Şems ü kamer encüm hayretde kaldı
İskender Rüstem’ler kāl oldu gitdi
Yıkılsın feleğin çarhı çenberi
Al kana buladı nice şehperi
Hani feth eyleyen bâb-ı Hayber’i
Bu derdin elinden dâl oldu gitdi
Dağlansun âteşe kaʻr-i derûnum
Rîze rîze pârelensün berûnum
Evlâd-ı Hayder’dir derd-i füzûnum
Namları dillerde kāl oldu gitdi
LUTFÎ âlem yandı oldu perîşân
Erenler mahvoldu kalmadı zî-şân
Meğer ki Allah’dan erişe bir şân
Yoksa cihân böyle hâl oldu gitdi