Sözleri
Devlet olur dâreyinde ser-firâz etsün seni
Kalb odur vakt-i seher ehl-i niyâz etsün seni
Dîn odur ki göstere dîdâr-ı Hakk’ı âkıbet
Hem meyân-ı evliyâda imtiyaz etsün seni
Mal odur cennât-ı firdevsde sana olsun refîk
Esb odur râh-ı sıratda tîz cevâz etsün seni
Evlâd oldur gülşen-i dilde ola bülbül sana
Dilber oldur ru’yetiyle şevk-bâz etsün seni
Mey odur meydân-ı hubb-i mâsivâdan kat’ede
Bâde oldur bâl-ı vahdetden nevâz etsün seni
Şerbet oldur ki şerîat şerh edüpdür âleme
Tâbi’-i fermân-ı Hak ol i’tizâz etsün seni
İlm ü irfândan garaz bir sırr-ı tevhîd zevkıdir
Bir ciğer-sûz âh ile bülend-âvâz etsün seni
Zînet oldur hil’at-i maʻnevî giysün rûh-i pâk
Âsitân-ı ârifânda zer-şirâz etsün seni
LUTFİYÂ dârü’l-emân mahviyyet olmuş ve’s-selâm
Tâlib-i nûr-i hüdâ ol nûr-dirâz etsün seni