Sözleri
Dilâ mir’ât-ı husn-i dilbere karşu cemâl olsun
O cânân ile hem-dem olmağa lâyık kemâl olsun
Kemân-ebrûler ile ülfet etmek âfet-i cândır
Der-âgûş et perî-veş dilberi koy kıyl ü kal olsun
Güzeller gül-gülistânı olan bir hurşîd-i ra’nâ
Mukaddes hâk-i pâyin bûs eden ol leb zülâl olsun
Nevâ-yı nây-ı aşkı âşık-ı mestânelerden sor
Eriş ol bezm-i rindâne vücûdun perr ü bâl olsun
Güneş-veş âlem-ârâ sende bir mihr-i mücellâ var
O nûr-i dürr-i tevhîdi gönülde bul ki mâl olsun
Gönül bir menzil-i feyz-i İlâhî manzar-ı Rahmân
Yetiş ol menzili kat’ et eğer râh-ı cibâl olsun
Kerem-kâni eğer LUTFÎ kerem ederse bir ferde
Bulur bir devlet-i bâkî bu fâniye zevâl olsun