Sözleri
Dost yüzünü göriceğiz nice karar kılsın bu cân
Yağmaya verir ol demde yüz bin zâhid din ü imân
Ta’na vurman âşıklara her ne hâle döner ise
Fermân olamaz kendine müşahedeye gark olan
Cân u gönül fehm u akıl aşk mevcine gark olucak
Pes nice ansın ol kişi yazık u müzd assı-ziyân
Cânında gözü yok kişi görmeyiser dost yüzünü
Gözsüz nice fehm eylesin ne renktedir işbu cihân
Yüz bin melik ü selâtin dost yüzünü göriceğiz
Terk eyleye tahtını vü izzet ü leşker hânümân
Âşık nice harâb ise velâyeti arta durur
Onun için ki daima virândadır genc-i nihân
Ayne’l yakîn gören kişi ırmaz gözün dost yüzünden
Nice görebilsin onu bu seviden taşra duran
Yünus’ a bu aşk kızgını komaz dilini tutmağa
Âşıkla maşûk râzını dürüst deyemeye lisân