Sözleri
Ela ey server-i kân-ı risâlet
Sana bin bin salât ile tahiyyât
Hakikat bağının serv-i bülendi
Gül-i sad berg-i gülzar-ı saâdet
Fekâne kabe kavseyn-i Ev ednâ
Ulûvv-i şânına eyler ibâdet
Nebîler gerçi halkı dâvet idüp
Kamusu ittiler irşad-ı ümmet
Velî sen geçüp ef’âl ü sıfatı
İbâdı ittin asl-ı zâta da’vet
Anınçün hâtem oldun enbiyaya
Seninle bitti bünyân-ı nübüvvet
Habîbâ ger Halil olduysa ceddin
Sen oldun kutb-i eflâk-i mahabbet
Medet eyle “Hüdâyî” derdmende
Şefâat yâ Resûlallah şefâat