Sözleri
Ezel meyhânesinde bâde-i vahdet şerâb olmuş
Gönülde o şerâbın katreleri dürr-i nâb olmuş
Meyân-ı meykeşânda bu mey-i ma’nâya kıymet yok
Aref ders-hânesinde ilm-i sevdâ iktisâb olmuş
Alup ilm-i ledündân halkasında ders-i irfânı
Okur bir sûre ki herbir hurûfu bir kitâb olmuş
Edüb arş-ı tecellîden nüzûl emtâr-ı hikmetler
Gönül âlemine aşk-ı İlâhî zü’l-hitâb olmuş
O demhâne-i ma’nâda o dem cânân edüb fermân
Mukaddem ol meye sâkî Muhammed intihâb olmuş
Bu meyin katresi sermestlere bir bahr-i ummândır
Ne devlet LUTFÎ sermestler o ummânda hübâb olmuş