Sözleri
Ezelden bâdeyi doldurdu câme
Dağıtdı mestlere bırakdı vâme
Bu câmın meyinin kıymeti cândır
Alanlar düşdüler âteşli dâme
Bu bâde sâkîsi fitne-feşândır
Aman yüz vermeyin ol la’l-i fâme
Münevver eylemiş peymâneyi mey
Derûn-i mey-keşân gelmiş kıvâme
O zülf-i zer nümâyiş cilve-mendân
Yazar herbir teli bir şâh-nâme
Güzeller câ-be-câ necm-i belâdır
Düşürür âşıkı hayâl-i hâme
Temâşâgâh-ı uşşâk cilve-endâz
Seherlerde gelür cânân hırâme
Bu LUTFÎ’yi zebûn etmiş o hünkâr
Erişmezse n’olur encâm-ı kâme