Sözleri
Gül yüzlü güzel bülbül-i cânım sana kurbân
Çok eyledi efgãn
Gönlüm gözüne görüneli sen meh-i tâbân
Oldum sana hayrân
Hurşîd-i rûhin pertevine tâkat olur mu
Misli bulunur mu
Ey fitne-i cân serv-i revân âfet-i devrân
Âşıklara seyrân
Gül kâkülünün bûyi güzel müşg-i tâtârdan
Zâtındaki bârdan
Güller dökülür gülmelerinden gül-i handân
Ey zevk-ı gülistân
Hûrî gülüşü sallanışı zevk-ı cinândır
Bir mihr-i zemândır
Gün gibi güzel arz-ı cemâl eylese cânân
Bir mâh-i nûr-efşân
LUTFÎ yere yüz koy o kerem-şâne niyâz et
Niyâz ile nâz et
Yerdeki yüzün sâhibine çok çıkar ihsân
Ma’mûr ola vĩrân