Sözleri
Güzeller güzeli nûr-i Muhammed
Âşıklar gözüne âşikâr olmuş
Güneşlerden güzel cemâl-i Ahmed
Ârifler gözünde müşg-bâr olmuş
Dîde-i cân ile dîdâr-ı yârı
Seyreden bahtiyâr o nûr-dîdârı
Sahrâ-yı sevdâda kılmış karârı
Râh-ı hidáyetde pâyidâr olmuş
Cemâl-i cânâne dil-besteler var
Cânın kurbân eder nev-resteler var
Bu zencire dâim peyvesteler var
Meydân-ı himmetde nâm-dâr olmuş
Nehr-i muhabbetden almış nemâyı
Sabâ gibi gezmiş görmüş húmâyı
Kalbinde seyretmiş cihân-númâyı
Güneş-veş âlemde zer-ayâr olmuş
Gönlúnde görünür rızâ-yı Bârî
Gülbe-i derûnu seâdet gãr i
Rûz-i ezel olmuş tevhîd şikâri
Nûr-i hidâyetle gül’izâr olmuş
Mevlâ’ya kurbândır âşık-ı Mevlâ
Dergâha kurbândır âşık-ı Mevlâ
Zâkirleri sever zât-ı Teâlâ
Âşıkların âhı sad-hezâr olmuş
Zâkirler giderler râh-i hüdâye
Müştâk olmuş tevhîddeki sadâye
LUTFÎ kurbân olsun Hakk’a fedâye
Merhamet-i Rahmân ile vâr olmuş