Sözleri
Habîb-i Kibriyâ Ahmed-i muhtâr hazret-i cânân
Muhammed Mustafâ Mahmûd iki âlemde bir sultân
Huzûr-i hazrete vardı şeb-i esrâ bi-emri’llâh
Haremgâh-ı visâle eyledi Cebrâil’i der-bân
Konağın “kabe kavseyni ev ednâ” eyledi Allah
Şerâfetle beşâretle verüp eyledi âlî-şân
Kerem-kâni Kerîm Allah şerâb-ı lâ-yezâlîden
Yed-i kudret ile sundu mükerrem eyledi Rahmân
Melekûtde mukarrebler seni istikbâl eylerken
Cemâlin nûruna âşık olup hep ey nûr-i Yezdân
Cenâb-ı zü’l-kerem Allah seni âlemlere rahmet
Edüp gönderdi Kur’ân’ı yedinde eyledi fermân
MUHAMMED LUTFÎ’ye lutf-i İlâhî’dir bu mevzûnât
Ola ki kulunu kurbân ede memdûhine Hannân