Sözleri
Ey azîzim devletinde cânımız hû’dur bizim
Cân nedir cândan azîz cânânımız hu’dur bizim
Öyle mahvetdim beni ben bende benlik kalmadı
Himmetinde şimdilik her yanımız hû’dur bizim
Ålem-i kalbimde Hak’dan gayri sûret gitdi hep
Tekye-i dilde hemân mihmânımız hû’dur bizim
Biz gürûh-i ehl-i aşkız yokluk oldu varımız
Asker-i irfândan’ız sultânımız hû’dur bizim
Zümre-i uşşak içinde Seyfî gavvâs olalı
Dürr-i meknûn bulmağa ummânımız hû’dur bizim