Sözleri
Hurşîd-i muhabbet dile doğunca Sen seyr eyle o dem bahr-i ummânı
Kamer-i hidâyet kemâl bulunca Açılur ebvâb-ı feyz-i Rabbânî
Gülistân-ı gönül güller açınca Seherde gonceler bâde içince
Eşgāl-i mâsivâ elden göçünce Hâsıl olur kurbiyyet-i Rahmânî
Dilde yanar hidâyetin çırâğı Bahr-i seâdetin yokdur karâ’ı
Bahr-i muhabbetin olmaz ferâğı Leyl ü nehâr eyler zevk-ı rûhânî
Ehl-i aşkın olur himmeti âlî Muhabbet-i Mevlâ dilde nevâli
Sermest-i serbâzın yokdur süâli Âlem-i ademde alur meydânı
Kurbân olur der-i dergâh-i yâre Sular gibi akar gider diyâre
Meyl eylemez LUTFÎ dâr-ı diyâre Bırakır gönlünden şöhret ü şânı