Sözleri
Halk-ı âlem merhametle mihriban ister seni
Bahş edüp bâkî hayât âb-ı revân ister seni
Gün gibi gel yüzlere ur pertevinden dem-be-dem
Su gibi emvâtı ihyâ râyegân ister seni
Âsumân-veş katre-i emtârı inzâl etmede
Hurmetinde dâimâ sâbit-revân ister seni
Kendi nefsin gözedir çâr çeşmile ehl-i zemân
Zîr-i bâr-ı mihnetinde yâd-keşân ister seni
Arifâne kıl nazar mîzân ile ol nûr-i dil
Ekserîsi her cihetle perîşân ister seni
Dâimâ hurmet ü ikramın gören efrâd-ı nâs
Bu mücerrebdir muhakkak der-zebân ister seni
Zü’l-vefâ sadr-ı safâ ni’met-şinâs noksân değil
LUTFİYA elbet bulunur âlîşân ister seni