Sözleri
Kible-i erbab-ı hacet ya’ni Sultan Mustafa
Cami’-i enva’-ı lütf u muktedâ-yi ehli din
Şem’-i mihrab-ı hilafet kim sezadır olsa ger
Hube-i evsafı zib minber çarh-i berrin
Ol imam-ı ehli Hakk kim sıdk-ı niyetle anın
Beş vakitde farzdır etmek duasın bu Mü’minin
Der gören Allahu Ekber bu şeh-i cem şevketin
Görmemiş mislin güruh-i evvelin ve ahirin
Eyleyüp te’sis-erkân-i adalet lâ cürm
Buldu zatiyle metânet bünye-i şer’-i mübin
Masdar-ı feyz eyleyüp zat-ı hümâyûn Huda
Tab’in etmiş mail-i asar-ı hayrat binin
Muhtarik olmakla Zeyrek Cami’i ihrakda
Mahv olup her canibi kalmışdı bir hâli zemin
Ömrün efzun eyleyüp ol padişah-ı a’zamın
Eylesün Mevla bina-yi devletin daim metin
Hasbeten Lillah irade eyleyüp ihyasını
Hızır veş oldu meded res ana ol şah-i Güzin
Eyleyüp her gune tezyininde hüsn-i ihtimam
Oldu uslub-i kadimden dahi nazikterin
Yapdırup cümle mine’l-bab ila’l-mihrab anı
Oldu çünkim yeminle her semti itmama karin
Yek kalemden geldi tarihi bu mısra Nüzhet
Etdi Zeyrek mabedin ihya İmam-ı Müslimin