Sözleri
Mâcerâ-yı Kerbelâ’dan bahseden binlerce var
Böyle âteş-bâr derûn etmiş Fuzûlî âşikâr
Öyle bir şöhret-şiâr âteş-feşân mersiyye-gû
Hadîka’sında nümâyân her sözü bir müşg-bâr
Gül-gülistân-ı mehâsin bedr-i vahdet zât-i pâk
Hazret-i Huseyn’e âşık kademinde bir gubâr
Mir’ât-ı zât-ı Muhammed’dir cemâli cân-fezâ
Sırr-ı vahdetden derûnu ilm-i hikmet dürr-i bâr
Böyle bir zât-ı muazzamı şehîd etdi Yezîd
Kahr-ı Mevlâ’ya müyesser nârda olsun pây-dâr
Hazret-i muhtâr-i Mevlâ pek severdi zâtını
Hurmet-i Huseyn’i dâim eylemişdi ihtiyâr
LUTFÎ’ye lutf ü keremdir bahs-i şâh-ı Kerbelâ
Rûz-i haşr ede şefâ’at bize sâhib-zülfikar