Sözleri
Nây-i dil esrârını kûhsâre söyler söylese
Bülbülân vakt-i seher gülzâre söyler söylese
Âşıkān derd ehline ister ki keşf-i râz ede
Ehl-i diller dîde-i bîdâre söyler söylese
Aşk ile aklın refâkati muhaldir mutlaka
Ehl-i dil dil zevkını ber-dâre söyler söylese
Gülbe-i gönlünde ârif mu’tekif olmuş müdâm
Taht-ı dilde câlis-i hünkâre söyler söylese
Men aref dershanesinde sırr-ı vahdet dersini
Bezm-i meyde şîşe-i sad-pâre söyler söylese
Mihr-i maʻnâ matla-‘i dilden doğar âşıklara
Vahdet âlemindeki gam-hâre söyler söylese
LUTFİYÂ ehl-i niyâzın nâzı nâzikdir güzel
Nâzını ehl-i niyâz dildâre söyler söylese