Sözleri
Derdli olanın derdine dermân ne güzeldir
Mü’min olanın afvine fermân ne güzeldir
Dergâh-ı der-i dildârına âşık-ı ser-bâz
Mecnûn olana Leylâ’ya kurbân ne güzeldir
Mecnûnları sahrâya salıp âlem-i sevdâ
Leylâ yoluna cân ile kurbân ne güzeldir
Dergâh-ı dilâra seni gözler dü-serâda
Sâillerine ülfet-i devrân ne güzeldir
Âlemleri tenvîr edicek şems-i münevver
Dîdâr-ı dilârâsına hayrân ne güzeldir
Cân gözlerine mir’ât-ı vahdet görününce
Âşıklara ol demdeki seyrân ne güzeldir
Gülşen-i muhabbetde olan gonce-i hamrâ
Hurşîde verir şa’şaa rahşân ne güzeldir
Cân gözlerine nûr-i tecellâ ola LUTFÎ
Ârif olana dîde-i irfân ne güzeldir