Sözleri
Nevreste nev-civânım envâr-ı her dü-dîde
Cânım size fedâdır dilber-i ber-güzîde
Ebrû-kemân dilârâ serveri dilberânın
Böyle cânbâz-ı dilber ez-âşıkān remîde
Nazarı tîr kemân-bâz ciğer-gâhım dağıtdı
Dûd-i âh-ı derûnum imdâdıma resîde
Geysûleri dağılmış serv-i kāmet levendin
Seyrine tâkat etmez âşıkān-ı şûrîde
Zülf-i sabâya müşg-i tâtârdan hûb-terdir
Gülistân-ı gül-i ter vakt-i seher demîde
Görülmemiş cihânda emsâli şûh u şengin
Hurşîd-veş nümâyân halk etmiş âferîde
Devr-i dehirde cânâ bir âfet-i zemândır
Üftâdeler elinden dâd etmede revîde
LUTFÎ o mihr-i rûyân saldı seni belâya
Âteş ocağı olmuş ciğer-gâhım kadîde