Sözleri
Şürûh-i metn-i kalbi ârif-i Mevlâ olandan sor
Fütûh-i ilm-i vehbî kâşif-i eşyâ olandan sor
Kemâlât ehline muhtâc olur cân gözleri bînâ
Nukûş-i zevrak-ı zevkı dil-i deryâ olandan sor
Cemâl-i hurşîd-i ma’nâya âşık encüm-i eflâk
Zuhûr-i zevk-ı dilde vâkıf-ı eşyâ olandan sor
Dilersin hazret-i cânân nazargâhı ola gönlün
Tarîk-ı devleti var mest-i bî-pervâ olandan sor
Aref meyhânesinde ister isen bâde-endâzlık
Mey-i vahdet ile bezm-i ezel şeydâ olandan sor
Gönül mir’ât-ı Mevlâ arş-ı a’lâdan muallâdır
Anı ind-i Hudada kıymet-i vâlâ olandan sor
MUHAMMED LUTFÎ deryâ-yı keremden ilticâ eyler
Şefâ’at şevketin Ahmed Muhammed Mustafâ’dan sor