Sözleri
Ondan beri gönüldüm dost ile bile geldim
Bu âleme çıkıcak bir aceb hâle geldim
Ol dost açtı gözümü gösterdi kendözümü
Gönlümdeki râzımı söyledim dile geldim
Gör ne yuvadan uçtum râzımı halka açtım
Işk tuzağına düştüm tutuldum ele geldim
Tuzağa düşen gülmez âşıklar rahat olmaz
Söylerim dilim bilmez bir aceb ile geldim
Ben bunda geldim ise ilime geri gidem
Sanma ki bunda beni altına mala geldim
Değilim kâl ü kîlde bu yetmiş iki dilde
Hâlim ahvâlim nedir bu mülke sora geldim
Ne hâldeyim ne bilem tuzaktayım ne gülem
Bir garipçe bülbülem ötmeğe güle geldim
Gül Muhammed teridir bülbül onun yâridir
Ol gül ile ezelî cihâna bile geldim
Mescidde medresede çok ibâdet eyledim
Aşk oduna yanuban ondan hâsıla geldim
Kudret sûret yapmadan feriştehler tapmadan
Âlemi halk tutmadan ileri yola geldim
Yine Yunus’a sordum eydür Hakk nûrun gördüm
İlkyaz yaz güneşi gibi mevc urup doğa geldim