Sözleri
Sâkî-i mey-i vahdet senden ola bir himmet
Meyhâne-i ma’nâda başıma yağar rahmet
Peymânelerin sâkî cân-bâz-ı zemân olmuş
Güneş gibi berrakdır yeter mi ana kıymet
Şerâb-ı şerî’atdir bâde-i hidâyetdir
Âşıklara şâyândır kim ister ise hikmet
Bu mekteb-i hikmetde ders-i arefin bahsi
Dilden dile neşr olmuş bâkî ebedî devlet
Deryâ-yı muallânın mâhîlerini seyr et
Bu bahr-i füyûzâtda feyz ile eder ülfet
LUTFÎ der-i dergâh-ı Mevlâda olan sâil
Derbânı o dergâhın sâile eder hurmet