Sözleri
Serâyün lî-me’a l-Mevlâ dil-i vîrânemiz vardır
Nazargâh-ı İlâhîdir tecellî-hânemiz vardır
Gönül bir mürg-i ma’nâdır uçar âlem-i vahdetde
Cemâl-i şem’-i cânâne yanar pervânemiz vardır
Gezer sahrâ-yı Leylâ’da olur Mecnûn-veş sermest
Sabâ-veş kûy-i dildâre dil-i dîvânemiz vardır
Gönüldür dergeh-i dildâr kurar tahtın dilistânda
Hükümrân hazret-i cânân mîr-i mîrânemiz vardır
Metâf-ı ârifân olmuş mukaddes beyt-i Mevla’dır
Künûz-i ilm-i hikmetdir aref dershânemiz vardır
Şerâb-ı vahdet-i rahmet içer rûz-i elest elbet
Eder meyhânede işret gezer peymânemiz vardır
Gedâ-yı dergeh-i Mevlâ olan emîr-i âlemdir
Mey ile mürdeyi ihyâ eder meyhânemiz vardır
Adem âlemine cân at yüzün sür yerlere LUTFÎ
Bu meydân-ı hidâyetde yine merdânemiz vardır