Sözleri
Sırr-ı Hakk’ı nicesi fâş eyleyem ey sikât
Kânı ancak remz ile etmiş beyân ehl-i nikât
Her ne denlü âşikâr etsem hafâsın artturur
Ol iyân iken anı örter delâil beyyinât
Anı tevhid eylemez illâ ki şirk ehli eder
Vahdet-i Hakk’ı duyanın dili lâldir aklı mât
Her ne kim fevkal-ulâ taht-es-serâda vardurur
Zât-ı vâhiddir veli göründü nice bin sıfât
Zâtı birdir lik evsâfına gâyet yokdurur
Gör bu bu fânusu ki anın şem’i oldu nûr-i zât
Zâhir-ü bâtın kamusu bir fenerdir gayri yok
Şem’i insân oldu fânusu cem-i mümkinât
Ey Niyâzî Âdem oldu çün cihânın şu’lesi
Bahş olur Âdem deminden âleme rûh-ul hayât