Sözleri
Yandı yüreğim tutuştu bağrım ciğerim kebâb durur
Âşıkların şerbetleri bu derdime sebeb durur
Bir niceleri aşk düzer bir niceleri aşk bozar
Bir niceler esrik gezer öyle kim var harâb durur
Aşk ile çalındı kalem aşka esir durur âlem
Âşıklar arasında Cebrâil dahi hicâb durur
Medreseler müderrisi okumadılar bu dersi
Şöyle kaldılar âciz bilmediler ne bâb durur
Azâzil davâ kıldı davâsı yalan oldu
Yalan davâ kılanların pes cezâsı azâb durur
Ölmez bu aşk bilişleri esrik meclis serhoşları
Dâim bunların işleri ceng ü şeştâ rebâb durur
Yunus imdi miskin olgıl hem miskînlere kul olgıl
Zirâ miskîn olanları arzulayan Çalap durur