Sözleri
Zâkirini Bâri Hudâ mezkûr eder her dü-serâ
Muvahhidi musaddiki elbet sever hayrü’l-verâ
Envâr-ı tevhîd nûr-i dil kalbe verir elbet zıyâ
Eyler müzeyyen dilleri hubb-i habîb-i Kibriyâ
Rahmet-i Rahmân dâimâ gözler seni ey nûr-i dil
Mesteyleye cân u dili zevk-ı şerâb-ı selsebîl
Ahmed Muhammed Mustafâ Hasen Huseyin Murtezâ
İntizâr eylerler seni destin duta rûz-i cezâ
Ayırma cânândan cân bırakma elden dâmeni
Sular gibi yüz yere koy kabûl ede Rahmân seni
Elin ola ağyâr ile kalbin de ola yâr ile
Gözün göre eşyâları gönlün ola dildâr ile
Hadd-i hudûdunda karâr eyle sebât ol müstekîm
Râh-i hidâyetde hemân rahm eyleye zât-ı Kadîm
Şehperin ola şerî’at rehberin ola tarîkat
Fermânın elde ma’rifet göstere kendin hakîkat