Üryan Gelüb Üryan Giderler

Bunda gelen eğer pîr ü civandır Üryan gelüb yine üryan giderler Eğer gedâ eğer şâh-ı cihandır Bunda üryan gelüb üryan giderler **** Beğenmeyen kişi bunda abâyı Bir gün olur bu halkın hâk i pâyi Soyarlar eğninden atlas kabayı Üryan gelüb yine üryan giderler **** Terk eyle erkenden nefsün hevâsın Sâdık kul ol gözle Mevlâ rızâsın Komszlar kişinin fahri libasın Bunda üryan gelüb üryan giderler **** Olmaz sevdâdan geç ol Hakk’a talib Mâksûd ise eğer hayre metâlib Bunda kalır beğim mal ü menâsib Üryan gelüb bunda üryan giderler **** Ko dünya fikrini tül-i emeldir Seninle gidecek hüsni ameldir Yollarda yük ağırlığı helâldir Üryan gelüb yine üryan giderler **** Aldanıp kalma bu fâni serâya Nazar eyle Muhammed Mustafâ’ya Eğer dünyaya ger milk ü bekâya Bunda üryan gelüb üryan giderler **** Ya Rab Hüdai’ye eyle hidayet Kılmaya tâ senden gayriye rağbet Yetmez mi kişiye pend ü nasîhat Üryan gelüb yine üryan giderler