Sözleri
Aşksız âlemde âdem olmanın imkânı yok
Derd devâdır âşıka bî-dertlerin dermânı yok
Aşkdır her müşkilin miftâhı fethi fâtihi
Aşk ser-gerdânının bil müşkil ü âsânı yok
Zulmet-i unsurda nûr-ı aşkdan mahrûm olan
Ol bir insândır ki öyle vahşi bir hayvânı yok
Nâr-ı unsûr nûr-ı aşk ile olur gülzâr-ı tam
Server-i hûbân-ı aşkın nûru var nîrânı yok
Aşk ile olmuş ayân ser-çeşme-i âb-ı hayât
Bu hayât-ı câvidânın haddi yok pâyânı yok
Aşkdır hayvânı insân eyleyen insânı nûr
Bu rumûzâtın basîret ehline pinhânı yok
Sen seni bilmek dilersen aşka terk et sen seni
Anda mahvol kim Kemâlî şân u adı sanı yok