Adetim Budur Ezelden — Mustafa Tatcı kapak görseli

Adetim Budur Ezelden

9:54 İlahi Tube'da 0 dinlenme YouTube'da 60 görüntüleme

YouTube'da aç

Sözleri

Âdetim budur ezelden günde bir şân oluram Dirilüp gâh cem’ olup gâhî perîşân oluram Bu cihânın halkına bir bir yolum uğrar benim Cem’ edüp bunca kumâşı bir bedestân oluram Gâh sehâb u gâh matar gâhî doluyam gâhi kar Gâh nebât u gâhi hayvân gâhi insân oluram Gâh nasârâ gâh yahûdî gâhi tersâ gâh mecûs Gâhi şî’a gâh olur sünnî müselmân oluram Gâhi ‘âbid gâhi zâhid gâhi fıska düşerim Gâhi ‘ârif gâhi ma’rûf gâhi ‘irfân oluram Gâh olur bakır kalây u gâh olur altun gümüş Gâh olur ‘âlemde her ma’denlere kân oluram Gâh olur benden hakîr hîç kimse olmaz dünyâda Gâhi Kaf’dan Kaf’a hükm eden Süleymân oluram Na’l ile tırnak arasında yerim gâh dar olur Gâhi ‘arş u kürsîden gen ‘âlî-meydân oluram Gâh olur bu hırmen-i ‘âlemde ben bir dâneyem Geh kamuyu câmi’ olmuş ulu meydân oluram Gâh olur mevcûd u ma’dûm geh vücûd ile ‘adem Geh tecellîyle ‘ayân u gâhi pinhân oluram Gâhi dünyâ gâhi ‘ukbâ gâhi mahşer geh sırât Gâhi berzah gâhi cennet gâhi nîrân oluram Gâhi mâlik gâhi âteş gâhi zakkûm geh cahîm Gâhi hûr u gâhi gılmân gâhi rıdvân oluram Gâhi zerre geh güneş gâhi kamer gâhi nücûm Gâhi arz u geh semâ geh ‘arş-ı Rahmân oluram Bunca sûretler libâsın gâhi bir bir giyerem Gâh soyunup cümlesinden şöyle ‘uryân oluram Şimdi kesretde olan adım Niyâzî söylenir Âlem-i vahdet içinde sırr-ı Yezdân oluram

Mustafa Tatcı — diğer ilahileri

Benzer ilahiler