Sözleri
Akl ile ermek olmaz esrâr-ı âşıkâna
Allâmeler yetişmez etvâr-ı âşıkâna
Bülbüller gibi her bâr olmayıcak seher zâr
Ermek olur mu ey yâr gülzâr-ı âşıkâna
Diler isen dil-ârâ ko gayrı dili ârâ
Tut gûş-ı cânı yârâ ahbâr-ı âşıkâna
Sırr-ı vücûdu ey dil sen mazhar-ı atâ bil
Anlar isen nazar kıl asâr-ı âşıkâna
Gavvâs-ı bahr-ı aşk ol mânâ sadeflerin bul
Bulmak diler isen yol şehvâr-ı âşıkâna
Şerh etdi Hak sudûru keşf eyledi umûru
Müstağrak oldu Nûrî envâr-ı âşıkâna