Sözleri
Bir zamân derdiŋle ḳıldım mâl u mülki târumâr
Nisbet ilen seyr idüp gezdim nice şehr ü diyâr
İşigiŋden ğayrı yirde hîç göŋül ḳılmaz ḳarâr
Kûh-ı ğamdan ağlayan Mecnûn’ıŋa Leylâ meded
Bir ğarîbem kimsenem yoḳdur baŋa Mevlâ meded
İŋledim yaşlar döküp ṭûlâb-veş leyl ü nehâr
Ḥâlime raḥm eyleyüp ağlar gözüm [bî]-iḫtiyâr
Ḳanḳı birin söyleyin derde derûnum bî-şümâr
Kûh-ı gamdan ağlayan Mecnûn’ıŋa Leylâ meded
Bir ğarîbem kimsenem yoḳdur baŋa Mevlâ meded
Ḳapuŋı ḳoyup ne yapa varayın ḥûr-ı ḥaḳîr
Ṭapuŋı ḳoyup kime yalvarayın ey bî-naẓîr
Bende-i üftâdeye sensin ẓahîrî dest-gîr
Kûh-ı ğamdan ağlayan Mecnûn’ıŋa Leylâ meded
Bir ğarîbem kimsenem yoḳdur baŋa Mevlâ meded
Ḳapuŋa gelmişemżaîf ü ḫastedir ğâyet Ḫalîl
Âsitânıŋ segleri[n]den ayırup ḳılma ẕelîl
Yoldan azmış bir gedâdır çağırup der yâ delîl [53a]
Kûh-ı ğamdan ağlayan Mecnûn’ıŋa Leylâ meded
Bir ğarîbem kimsenem yoḳdur baŋa Mevlâ meded