Sözleri
Gel beri ey âşık-ı dîdâr olan Allah’a gel
Cân gözüyle bakmak istersen cemâlullaha gel
Kendözünü mahvedüben sırr-ı ehlullaha gel
Sıdk ile ihlâs ile meydân-ı zikrullaha gel
Fezkurûnî zikr edin dedi hazâ her hâl ile
Ben dahi zikr eyleyüserem size ikbâl ile
Zikr-i Hak’dan gâfil olma imdi her ahvâl ile
Sıdk ile ihlâs ile meydân-ı zikrullaha gel
Ragbet olmaz her kişinin sa’y-i cidd ü cehdine
Fazl-ı Hak yoldaş olmazsa sa’âdet mühnetine
Sırr-ı rûhânî nişân etmeğe ol dil tahtına
Kendözünü kul edip sultân-ı zikrullaha gel
Cân gözünün gözgüsünden gözle nûr-ı zâta bak
Oku irfân mektebinde sırr-ı insândan sebak
Ey Hakîkî mahrem olmayana depretme dudak
Mahv edip nâm u nişân vicdân-ı zikrullaha gel