Sözleri
Rahmetin umarım senden yâ Mevlâ
Lutf et bi-hürmet-i sırr-ı evliyâ
Maksûdum çün sensin a‘lâdan a‘lâ
Lutf et bi-hürmet-i sırr-ı evliyâ
Tazarru‘um budur senden yâ Ganî
Vechinden ayırub red etme beni
Sensin çün derdlü cânımın dermanı
Lutf et bi-hürmet-i sırr-ı evliyâ
Âşıklar terk ider yolına varı
Muhtâc olub sana müştaḳ her biri
Ben dahi inilerim zârî zârî
Lutf et bi-hürmet-i sırr-ı evliyâ
Vücûdum bir ḳatre gerçi cihânda
Nice ‘ummân olur sırr-ı insânda
Sırr-ı ma‘nâ fażlın ol ‘ummân bende
Lutf et bi-hürmet-i sırr-ı evliyâ
‘Arşın kürsün ferşün levh ile ḳalem
Bendiyle bendedür bu cümle ‘âlem
Ḳaribi çok durur bu sırda kelâm
Lutf et bi-hürmet-i sırr-ı evliyâ